FACULTY OF EXACT AND NATURAL SCIENCES

IVANE JAVAKHISHVILI TBILISI STATE UNIVERSITY

Home FACULTY OF EXACT AND NATURAL SCIENCES

FACULTY OF EXACT AND NATURAL SCIENCES

The Faculty of Exact and Natural Sciences is the main educational, scientific and administrative unit for educational programs and research in the exact and natural sciences at TSU. Within a framework of academic freedom and institutional autonomy, the Faculty offers high quality education and qualifications.The Faculty of Exact and Natural Sciences is the main educational, scientific and administrative unit for educational programs and research in the exact and natural sciences at TSU. Within a framework of academic freedom and institutional autonomy, the Faculty offers high quality education and qualifications.

News

საუნივერსიტეტო დაფინანსება_2025-2026 სასწავლო წლის გაზაფხულის სემესტრი

კონკურსი ესტატე ხმალაძის სტიპენდიის მოსაპოვებლად!

სტიპენდია 2025-2026 გაზაფხული- ბაკალავრიატის სტუდენტთა საყურადღებოდ!

შუალედური გამოცდების განრიგი

საჯარო ლექცია გეოლოგიის დეპარტამენტში

საქართველოს მეცნიერებათა ეროვნული აკადემიის 85-ე წლისთავთან დაკავშირებული სამეცნიერო კონფერენციის შესახებ

HORIZON EUROPE Project WARIE – Widening AI Research and Innovation for Excellence in the Eastern Partnership

კომპიუტერულ მეცნიერებათა დეპარტამენტის ასოცირებული პროფესორის აკადემიური თანამდებობის დასაკავებლად გამოცხადებული კონკურსის შედეგები

ფიზიკის დეპარტამენტის ასოცირებული პროფესორის აკადემიური თანამდებობის დასაკავებლად გამოცხადებული კონკურსის შედეგები

გეოგრაფიის დეპარტამენტის ასოცირებული პროფესორის აკადემიური თანამდებობის დასაკავებლად გამოცხადებული კონკურსის შედეგები

მიხეილ დოროშენკო

მიხეილ დოროშენკო თბილისის სახელმწიფო უნივერსიტეტის ზუსტ და საბუნებუსმეტყველო მეცნიერებათა ფაკულტეტის კურსდამთავრებულია. 2004 –2008 წლებში იგი სწავლობდა ქიმიის საბაკალავრო პროგრამაზე, ხოლო 2008 –2010 წლებში გაიარა მაგისტრატურის სრული კურსი მაკრომოლეკულების ქიმიის მიმართულებით (ხელმძღვანელი პროფ. ომარ მუკბანიანი). სწავლების ორივე საფეხური მიხეილ დოროშენკომ დაასრულა წარჩინებით. სტუდენტობის პერიოდში იყო არაერთი კონფერენციის მონაწილე, სადაც მისი ნაშრომი ყოველთვის აღნიშნულია ჯილდოთი. უნივერსიტეტის დამთავრების შემდეგ მიხეილ დოროშენკომ მოიპოვა DAAD-ის (გერმანიის აკადემური გაცვლის სერვისი) სტიპენდია, ხოლო შემდგომ IMPRS–(International Max Planck Research School) დაფინანსება და დოქტორანტურაში სწავლა გააგრძელა მაქს-პლანკის პოლიმერების სამეცნიეროკვლევით ინსტიტუტში (ქ. მაინცი, გერმანია) სადაც დაიცვა დისერტაცია და მიენიჭა დოქტორის აკადემიური ხარისხი.მიხეილ დოროშენკო ამჟამად ცხოვრობს და მოღვაწეობს გერმანიაში, ქალაქ ჰანოვერში.იგი მუშაობს Continental AG | R&D - Tires Concepts and Mobility Technologies, სადაც იგი არის ახალი ტექნოლოგიების განვითარების უფროსი მენეჯერი.

ალექსანდრე ბარნაველი

ალექსანდრე ბარნაველი 2012-2013 წელს სწავლობდა თბილისის თავისუფალი უნივერსიტეტის ფიზიკის საბაკალავრო პროგრამაზე, ხოლო 2013-2016 წლებში კი - ივ.ჯავახიშვილის თბილისის სახელმწიფო უნივერსიტეტში (თსუ) ფიზიკის საბაკალავრო პროგრამაზე. ამავე წლებში იგი იყო პრეზიდენტის სტიპენდიანტი. 2013 წელს ალექსანდრე ბარნაველი გახდა ირაკლი ქიმერიძის სახელობის მომავალ ფიზიკოსთა ფესტივალის გრან-პრის მფლობელი. 2014 წელს იგი თსუ-ს დელეგაციის შემადგენლობაში იმყოფებოდა სინგაპურის სამეცნიერო კონფერენციაზე, სადაც ნობელის პრემიის ლაურეატი მეცნიერები ლექციების სერიას ატარებდნენ მომავალი მეცნიერებისათვის. ამავე კონფერენციაზე მან გაიმარჯვა პოსტერების კონკურსში და მოიპოვა პირველი ადგილი. 2015 წელს მან პროფესორ ნ.შათაშვილის ხელმძღვანელობით მომზადებული ნაშრომით დაიკავა I ადგილი თსუ-ს სტუდენტურ საფაკულტეტო კონფერენციაზე სექციაში - "თეორიული ფიზიკა". ეს ნაშრომი დაიბეჭდა თსუ სტუდენტურ კონფერენციაში გამარჯვებულთა ნაშრომების კრებულში. 2016 წელს მან წარმატებით დაიცვა საბაკალავრო ნაშრომი ასტროფიზიკის დარგში პროფესორ ნ.შათაშვილის ხელმძღვანელობით და მიენიჭა ფიზიკის ბაკალავრის ხარისხი. 2017 წელს კი პროფესორ ნ.შათაშვილთან ერთად გამოაქვეყნა სტატია სამეცნიერო ჟურნალში "Astrophysics and Space Science.". 2016 წელს მან მიიღო DAAD-ის სტიპენდია გერმანიის უნვერსიტეტებში მაგისტრატურის საფეხურზე სწავლის გასაგრძელებლად. ამასთანავე მიიღო "Utrecht Excellence Scholarship" ("უტრეხტის ბრწყინვალების სტიპენდია"), რომელიც უტრეხტის უნივერსიტეტში (Utrecht University, ნიდერლანდები) მაგისტრატურის საფეხურზე სწავლისა და ცხოვრების ხარჯებს სრულად ფარავდა. მაგისტრატურაზე სწავლა გააგრძელა უტრეხტის უნივერსიტეტში თეორიული ფიზიკის განხრით, სადაც 2018 წელს მან წარმატებით დაიცვა სამაგისტრო ნაშრომი კოსმოლოგიის დარგში პროფესორ ტ.პროკოპეცის (T.Prokopec) ხელმძღვანელობით და მიენიჭა თეორიული ფიზიკის მაგისტრის ხარისხი. 2019 წელს კი სამაგისტრო ნაშრომის შედეგებზე დაყრდნობით, ხელმძღვანელთან ერთად გამოაქვეყნა სტატია სამეცნიერო ჟურნალში "Journal of Cosmology and Astroparticle Physics". ამავე წელს იგი გახდა ვ.მამასახლისოვის სახელობის კონკურსის "წლის დამწყები ფიზიკოსი" გამარჯვებული (ილიას უნივერსიტეტი, თბილისი). 2019 წლიდან უტრეხტის უნივერსიტეტში დაიწყო მუშაობა სადოქტორო ნაშრომზე (PhD) რბილი კონდენსირებული გარემოს (Soft Condensed Matter) დარგში პროფესორ რენე ვან როი-ს (Prof. René van Roij) ჯგუფში. პარალელურად მუშაობს პროფესორის ასისტენტად

ანანო ბასილაია

სსიპ ვლადიმირ კომაროვის თბილისის ფიზიკა-მათემატიკის N199 საჯარო სკოლის დამთავრების შემდეგ სწავლა ივანე ჯავახიშვილის სახელობის თბილისის სახელმწიფო უნივერსიტეტში, მათემატიკის საბაკალავრო პროგრამაზე გააგრძელა. ანანო ბასილაია მონაწილეობდა ზუსტ მეცნიერებათა საერთაშორისო კონფერენციაში ტაილანდში და საერთაშორისო მათემატიკის ოლიმპიადაში ისრაელში. თავიდანვე ძირითადად გამოყენებითი მათემატიკით – ალბათობა და სტატისტიკით– დაინტერესებულმა მეორად პროფესიად სოციოლოგია აირჩია. ბაკალავრიატის ოთხმა კურსმა (2014 -2018წწ) წარმატებით ჩაიარა – 2018 წლის კურსდამთავრებულებს შორის ანანო პირველი იყო საშუალო ქულის მიხედვით. სტუდენტებმა იგი აირჩიეს ფაკულტეტის წარმომადგენლად უნივერსიტეტის სენატში, ორი წელი მუშაობდა განათლების ხარისხის განვითარების ეროვნულ ცენტრში უმაღლესი სასწავლებლების აკრედიტაცია/ავტორიზაციის ექსპერტად. ჩართული იყო USAID -ის მიერ დაფინანსებულ G4G (Governing for Georgia) აქტუარ-ანალიტიკოსის ექვს საფეხურიანი სერტიფიცირების პროექტში. მაგისტრატურის საფეხურზე საზღვარგარეთ სწავლის გასაგრძელებლად ინგლისურის (IELTS) და მათემატიკის (GRE Mathematics) გამოცდების წარმატებით ჩაბარების შემდეგ 2018–2019 სასწავლო წლიდან მიიღო სწავლისა და საყოფაცხოვრებო ხარჯების სრული დაეფინანსება ბონისა და უტრეხტის უნივერსიტეტებისგან. არჩევანი უტრეხტის უნივერსიტეტზე შეაჩერა. ანანო ბასილაია: “ პირველი საკმაოდ რთული და დატვირთული წლის შემდეგ, თავდაუზოგავი მუშაობის შედეგად წარმატებით ჩავაბარე ყველა საგანი. მივიღე შემოთავაზება და გავხდი სტუდენტი–ასისტენტი საგანში „სტოქასტური პროცესები“. ამჟამად ვმუშაობ სამაგისტრო ნაშრომზე ფინანსურ კომპანია „რისკო“-ში, ვიკვლევ ხელოვნური ინტელექტის მოდელებს ჰოლანდიის ინფლაციის პროგნოზირებისთვის. მყავს ორი ხელმძღვანელი, რომლებიც ასევე გვერდში მიდგანან და ხელს მიწყობენ ამ რთული გზის გავლაში. სტუდენტური ცხოვრება აქაც დატვირთულია ბევრი სოციალური აქტივობით – ვარ ცეკვის სტუდენტური ასოციაციის წევრი. პატივი მქონდა წარმედგინა უტრეხტის უნივერსიტეტის მათემატიკის სამაგისტრო პროგრამა უნივერსიტეტის სარეკლამო ვიდეოში. დასასრულს მინდა ვთქვა, რომ ყოველი დღე სავსეა საქართველოს მონატრებით – იმედი მაქვს აქ დაგროვილ ცოდნას გამოვიყენებ ჩემი სამშობლოსთვის“.

ნათია დოლიაშვილი

2012 წელს ჩაირიცხა ზუსტ და საბუნებისმეტყველო მეცნიერებათა ფაკულტეტზე კომპიუტერულ მეცნიერებათა საბაკალავრო პროგრამაზე 100%-იანი დაფინანსებით. ბაკალავრიატში სწავლის პერიოდში იღებდა სტიპენდიას ,,სახელმწიფო სტიპენდიები სტუდენტებს” ფარგლებში. როგორც წარჩინებული სტუდენტი იმყოფებოდა გაცვლითი პროგრამით ლიტვაში. ბაკალავრიატი დაამთავრა უმაღლესი 4–ის ტოლი GPA. მაგისტრატურის პროგრამაზე სწავლა გააგრძელა ესტონეთში ტარტუს უნივერსიტეტში მონაცემთა მეცნიერების მიმართულებით სრული დაფინანსებით. როგორც საუკეთესო სტუდენტს ესტონეთის საგარეო საქმეთა სამინისტრომ დაუნიშნა სტიპენდია. სწავლის შედეგებზე დაყრდნობით Google–მა , როგორც ერთ–ერთ წარმატებულ სტუდენტს შესთავაზა მონაწილეობა Google CodeU პროგრამაში. პროგრამა გულისხმობს Google ინჟინრებთან კოდის რეგულარულ განხილვას და ინდუსტრიის საუკეთესო პრაქტიკების შესწავლას. პროგრამის წარმატებით დასრულების შედეგად ნათია მიიწვიეს სტუდენტთა სამიტზე ლონდონში. ნათია დოლიაშვილი : „მაგისტრატურის განმავლობაში გავიმარჯვე კონკურსში და ინტერშიფი გავიარე ავსტრიაში ერთ-ერთ წამყვან კვლევით ცენტრში (SCCH). იქ მუშაობა მიწევდა პროფესიონალ ინჟინრებთან. მათგან ძალიან ბევრი რამ ვისწავლე არა მარტო ჩემს სფეროში, არამედ სამუშაო ეთიკის მიმართულებითაც. ინტერშიფის დასრულების შემდეგ გავიმარჯვე ერასმუსის კონკურსში და გაცვლითი პროგრამით ვსწავლობდი იტალიაში. მაგისტრატურა ძალიან მაღალი შედეგებით დავამთავრე და საქართველოში დავბრუნდი. რატომ? აქაურობა ძალიან მომენატრა და ვეღარ გავძელი, თუმცა ვაპირებდი ევროპაში დარჩენას.... ამჟამად „საქართველოს ბანკში“ მონაცემთა მეცნიერის თანამდებობაზე ვმუშაობ.“

დავით ალხანიშვილი

2011 წელს, თბილისის 24-ე საჯარო სკოლის დამთავრების შემდეგ ჩაირიცხა ზუსტ და საბუნებისმეტყველო მეცნიერებათა ფაკულტეტის ფიზიკის საბაკალავრო პროგრამაზე. თსუ–ში სწავლის პერიოდში დავითი აქტიურად მონაწილეობდა საფაკულტეტო სამეცნიერო კონფერენციებსა და , აგრეთვე, “შოთა რუსთაველის სახელობის სამეცნიერო ფონდის” მიერ დაფინანსებულ პროექტებში პროფესორ ნოდარ ცინცაძის ხელმძღვანელობით, რომლის ფარგლებშიც გამოქვეყნდა სტატია ფერმის სითხეში გავრცელებადი ტალღების შესახებ. სწავლის პერიდში იგი ასევე ფლობდა პრეზიდენტის სტიპენდიას წარჩინებული სტუდენტებისთვის. 2015 წელს დავითმა წარჩინებით დაასრულა საბაკავრო პროგრამა. 2016 წელს დავითი ჩაირიცხა ბონის უნივერსიტეტში ასტროფიზიკის სამაგისტრო პროგრამაზე, რომლის განმავლობაშიც ფლობდა “DAAD”-ის სტიპენდიას. იმავე უნივერსიტეტში მაგისტრის ხარისხი მან მოიპოვა 2018 წელს. ამჟამად დავითი სწავლობს სადოქტორო პროგრამაზე ბონის უნივერსიტეტში კოსმოლოგიის მიმართულებით. კერძოდ მისი კვლევა ეხება შავი მატერიისა და გალაქტიკების ფიზიკას ფართო მასშტაბებზე. დავით ალხანიშვილი : “ალბათ ცნობისმოყვარეობა და გამოწვევების სიყვარული იყო ის ორი მნიშნელოვანი ფაქტორი, რამაც მიბიძგა ფიზიკისაკენ. კმაყოფილი ვარ, რომ ფიზიკის საბაკალავრო პროგრამა თსუ-ში გავიარე. იქ სწავლისას შევიძინე მყარი საბაზისო ცოდნა, რომელიც განსაკუთრებით დამეხმარა საზღვარგარეთ სამაგისტრო და , ამჟამად, სადოქტორო პროგრამის პერიოდში ჩატარებულ კვლევებში.”

List of training programs

Browse Programs

Events

ირმა თიკანაძის სადისერტაციო ნაშრომის დაცვა

სადისერტაციო ნაშრომის დაცვა

არჩილ ელიზბარაშვილის სადისერტაციო ნაშრომის დაცვა

სადისერტაციო ნაშრომის დაცვა

ქიმიის დეპარტამენტის სტუდენტთა სამეცნიერო წრის სხდომა

სტუდენტური სამეცნიერო წრის სხდომა

ლევან ლონდარიძის სადისერტაციო ნაშრომის დაცვა

სადისერტაციო ნაშრომის დაცვა

ქიმიის დეპარტამენტის სტუდენტთა სამეცნიერო წრის სხდომა

სტუდენტური სამეცნიერო წრის სხდომა

ქიმიის დეპარტამენტის სტუდენტთა სამეცნიერო წრის სხდომა

სტუდენტური სამეცნიერო წრის სხდომა

ქიმიის დეპარტამენტის სტუდენტთა სამეცნიერო წრის სხდომა

სტუდენტური სამეცნიერო წრის სხდომა

ვალერი ბერიკაშვილის სადისერტაციო ნაშრომის დაცვა

სადისერტაციო ნაშრომის დაცვა

საჯარო ლექცია მულტიფუნქციური ახალგაზრდულ სივრცეში ’’ფიქრის კუთხე’’

ვორქშოპი საგრანტო პროექტის ფარგლებში

ვორქშოპი

Useful links